Unioni doganor dhe sistemi taksave janë e ardhmja e regjionit të Ballkanit Perëndimor sipas presidentit të Serbisë, Aleksandër Vuçiq.

Ai thotë se serbët janë të vendosur për reforma ekonomike, shkruan arbresh.info.

“Gjithashtu nga idea për krijimin e një Zonë ekonomike nuk e kemi ndërmend të heqim dorë,” është shprehur Vuçiq gjatë fjalimit të tij në Asamblenë e Përgjithshme të Kombeve të Bashkuara.

Sipas tij, ish-Jugosllavia kishte një treg gjerësisht të respektueshëm për tërheqjen e investitorëve dhe tërheqjen e vëmendjes ndërkombëtare.

“Sot jemi shumë të vogël në tregje individuale dhe të kemi një performance të përparuar, prandaj besoj se një zonë unike doganore dhe sistem të taksave është e ardhmja e regjionit.”

Qeveria e Kosovës e drejtuar nga Ramush Haradinaj ende nuk ka shpërfaqur qëndrimet rreth qasjes ndaj procesit të Berlinit. Nga samiti i fundit i liderëve të Ballkanit Perëndimor u vendos për krijimin e një Zone Ekonomike Rajonale. Ish-kryeministri Isa Mustafa, kishte kundërshtuar unionin doganor të propozuar nga samitet e mëparshme duke u dakorduar në samitin e fundit për Zonën Ekonomike Rajonale./arbresh.info/